अक्कल बहादुर कार्की हस्पिटलद्वारा निशुल्क स्वास्थ्य शिविर सम्पन्न
सिमराः अक्कल बहादुर कार्की हस्पिटलद्वारा आयोजित एक दिवसीय निशुल्क स्वास्थ्य शिविर सम्पन्न भएको छ ।
जितपुरसिमरा उपमहानगरपालिका २१ स्थित हस्पिटल परिसरमै आयोजित शिविरमा डा। दिपक चैरासियाको नेतृत्वमा विशेषज्ञ चिकित्सकहरूको टोलीले सेवा प्रदान गरेको थियो ।
शिविरमा दुई सय पुरुष, एक सय ५० महिला र ७४ बालबालिकाको स्वास्थ्य परीक्षण गरिएको अस्पतालले जनाएको छ ।
चिकित्सक टोलीका अनुसार शिविरमा दम (श्वासप्रश्वास समस्या), उच्च रक्तचाप (बीपी), मधुमेह (सुगर) तथा छालासम्बन्धी रोगका बिरामी बढी देखिएका थिए ।
स्वास्थ्य परीक्षणका लागि आएका सबै सेवाग्राहीलाई निशुल्क ओपीडी टिकट प्रदान गर्नुका साथै आवश्यक औषधिहरू पनि निःशुल्क वितरण गरिएको थियो ।
अक्कल बहादुर कार्की हस्पिटलले सामाजिक उत्तरदायित्व अन्तर्गत स्वास्थ्य कार्यक्रमहरू नियमित रूपमा सञ्चालन गर्दै आएको छ ।
