मोटरसाइकल दुर्घटना अपडेटः मृत्यु हुनेको संख्या दुई पुग्यो
सिमराः सिमरामा आइतबार दिउँसो भएको मोटरसाइकल दुर्घटनामा मृत्यु हुनेको संख्या दुई पुगेको छ ।
दुर्घटनामा गम्भीर घाईते भएका रौतहट गुजरा गाउँपालिका ७ परसवाका २५ वर्षीय रोशन चौधरीको उपचारका क्रममा प्रादेशिक अस्पताल कलैयामा मृत्यु भएको प्रहरीले जनाएको छ । उनको टाउको र दुवै खुट्टामा चोट लागेको थियो ।
यसअघि दुर्घटनामा सप्तरी बसवलपुर नगरपालिका ७ का २८ वर्षीय महेश पण्डितको पनि उपचारकै क्रममा निधन भएको थियो।
वीरगञ्ज–पथलैया सडकखण्डमा दुई मोटरसाइकल एक आपसमा ठोक्किँदा दुर्घटना भएको हो ।
