अक्षरा पाठशालामा चोरी गर्ने दुई नाबालक पक्राउ
![](https://i0.wp.com/www.eshilalekh.com/wp-content/uploads/2024/02/Axara-pathashala.jpg?fit=2000%2C1074&quality=95&strip=all&ssl=1)
सिमराः अक्षरा पाठशालामा चोरी गर्ने दुई जनालाई ईलाका प्रहरी कार्यालय सिमराले बिहीबार नियन्त्रणमा लिएको छ । जीतपुरसिमरा १ सिमराबाट उनिहरुलाई नियन्त्रणमा लिएको हो ।
उनिहरुको साथबाट ल्यापटप र केही नगद बरामद भएको ईलाका प्रहरी कार्यालय सिमराका प्रहरी नायब उपरीक्षक प्रदीपबहादुर क्षेत्रीले जानकारी दिएका छन् ।
‘चोरीमा संलग्न दुई जनालाई पक्राउ गरेका छौं, ल्यापटप र केही नगद बरामद भएको छ’ क्षेत्रीले इशिलालेखलाई भने ‘उनिहरुलाई नियन्त्रणमा लिएर थप अनुसन्धान गर्दैछौं ।’ पक्राउ परेकाहरु १६ वर्ष भन्दा कम उमेर (नाबालक) भएकाले प्रहरीले पहिचान खुलाएको छैन् ।
जीतपुरसिमरा १ स्थित अक्षरा पाठशालाबाट मंगलबार राती एक थान ल्यापटप, नगद ७० हजार र स्टेशनरी सामाग्री चोरी भएको थियो ।