सिमरा विमानस्थल अगाडी नालाको रडमा छेडिएर बालक घाईते
![](https://i0.wp.com/www.eshilalekh.com/wp-content/uploads/2024/05/Nala.jpg?fit=2000%2C1074&quality=95&strip=all&ssl=1)
श्रीराम रेग्मी
सिमराः बाराको सिमरा विमानस्थल अगाडी नालाको रडमा छेडिएर बिहीबार बिहान एक आठ वर्षिय बालक घाइते भएका छन् । घाइते हुनेमा जीतपुरसिमरा उपमहानगरपालिका १ बस्ने प्रितराज गिरी रहेका छन् ।
विमानस्थलको मुख्य गेटदेखि उत्तरतर्फ जाने सडकमा बनाइएको नालामा उक्त घटना भएको हो । नालाको रडले बालकको पेटमा छेडेको छ । बालकलाई सिमरास्थित अल्पाइन अस्पतालबाट थप उपचारका लागि वीरगन्ज लगिएको छ ।
नाला निर्माणको ठेक्का लिएका ठेकेदार कम्पनीको लापरवाहीका कारण उक्त घटना भएको हो । नालाका लागि बनाइएको ढलानमा रड नछोपिएको र बालक खेल्ने क्रममा लडेर उक्त रडमा छेडिन पुगेको स्थानीयले जानकारी दिएका छन् ।
घटनालगत्तै स्थानीयले बालकलाई अस्पताल लगेका थिए । बालक थानीमाई आधारभूत विद्यालयको विद्यार्थी रहेको बुझिएको छ ।
![](https://i0.wp.com/www.eshilalekh.com/wp-content/uploads/2024/05/nala-1.jpg?resize=720%2C386&quality=95&strip=all&ssl=1)