शिक्षा ऐनविरुद्ध बाराका स्थानीय तहमा शिक्षक महासंघको ज्ञापन
सिमराः नेपाल शिक्षक महासंघले बाराका १६ वटा पालिकामा शुक्रबार ज्ञापनपत्र बुझाएको छ । विद्यालय शिक्षा विधेयकप्रति असन्तुष्टि जनाउँदै महासंघले ज्ञापनपत्र बुझाएको हो ।
आन्दोलन परिचालन समिति बाराका संयोजक राजकिशोर सहनीका अनुसार प्रत्येक पालिकामा शिक्षकहरूले दुई घण्टा धर्ना बसेर विरोध जनाएका छन् ।
विगतमा सरकारसँग भएको सहमति पूर्ण रूपमा कार्यान्वयन नभएकाले पुनः आन्दोलनमा उत्रनु परेको आन्दोलन परिचालन समिति बाराका संयोजक सहनीले जानकारी दिए ।
उनले प्रस्तावित विधेयकमा शिक्षक तथा विद्यालय कर्मचारीका मुख्य मागहरू अझै समेटिएको छैन भन्दै प्रतिनिधिसभा र राष्ट्रियसभामा संशोधनका लागी माग गरेका छन ।
महासंघले विधेयक शिक्षकविरोधी रहेको भन्दै असन्तुष्टि प्रकट गर्दै आएको छ ।
