कफी संस्कृतिको विकासमा योगदान पुर्याएको भन्दै लामालाई सम्मान
सिमराः होटल तथा पर्यटन व्यवसायी संघ बाराले शनिबार जीतपुरसिमरा उपमहानगरपालिका १ का राजकुमार लामालाई सम्मान गरेको छ। सिमरामा कफी संस्कृतिको सुरुवात तथा कफी व्यवसायको प्रवर्द्धनमा महत्वपूर्ण भूमिका खेलेको भन्दै संघले तेस्रो अधिवेशनका अवसरमा लामालाई सम्मान प्रदान गरेको हो ।
सिमरामा एस बेकरी क्याफेबाट कफी व्यवसायमा हात हालेका लामाले अहिले सिमरामा ‘सिमरा फूड भिल्ला एण्ड रेष्ट्रो’ संचालन गरिरहेका छन् । उक्त रेष्ट्रो सिमरास्थित अल्पाईन अस्पताल अगाडि छ ।
लामाले व्यवसायमार्फत कफीको आकर्षण बढाउन प्रभावकारी भूमिका खेलेको संघको भनाई छ । कफी संस्कृतिलाई सिमरा क्षेत्रमा स्थापित गर्न लामाले गरेको प्रयास र योगदानलाई सराहना गर्दै सम्मान गरेको संघले जनाएको छ ।
स्थानीय उद्यमशीलता, सेवा क्षेत्रको विकास र कफी व्यवसायलाई अघि बढाउन लामाले पुर्याएको योगदान आगामी दिनमा व्यवसाय तथा पर्यटन प्रवर्द्धनमा समेत महत्वपूर्ण बन्ने विश्वास संघका पदाधिकारीले व्यक्त गरेका छन् ।
