पूर्वराष्ट्रपति भण्डारीलाई सिमरामा ५१ किलोको मालाले स्वागत
सिमराः पूर्वराष्ट्रपति विद्यादेवी भण्डारीलाई शनिबार सिमरामा ५१ किलोको मालाले स्वागत गरिएको छ । वीरगन्जमा आयोजना हुन लागेको महिला सम्मलेनमा सहभागी हुन् आउने क्रममा भण्डारीलाई सिमरा विमानस्थलमा ५१ किलोको मालाले स्वागत गरिएको हो ।
पूर्वराष्ट्रपति भण्डारीलाई स्वागत गर्न नेकपा एमालेका केन्द्र, प्रदेश, नगर र वडा स्तरका कार्यकर्ता, सम्मलेन आयोजक सिमरा विमानस्थल पुगेका थिए । भण्डारीलाई एमाले स्थायी कमिटी सदस्य मुकुन्द न्यौपाने, पोलिटव्यूरो सदस्य पुरुषोत्तम पौडेल, केन्द्रीय सदस्य अरविन्द सिंह, प्रदेश सचिव मनोज पौडेल, जीतपुरसिमरा उपमहानगरपालिकाका नगर उपप्रमुख भोलाप्रसाद अधिकारी, चयन गुरुङ, राज महमद राय, कमलेश झा, इश्वर ढकाल, जीतपुरसिमरा नगर कमिटीका अध्यक्ष त्रिलोक बिक्रम शाहसहित केन्द्र, प्रदेश र वडातहका नेताकार्यकर्ताले स्वागत गरेका थिए ।
भण्डारीलाई स्वागत गर्न बाराको चार वटै निर्वाचन क्षेत्रबाट एमालेका कार्यकर्ता र स्थानीय उपस्थित थिए । भण्डारीले विमानस्थलको बाहिरसम्म लामबद्ध भएर बसेका नेताकार्यकर्ता र स्थानीयसंग भेट गरेकी थिईन् ।
