सिमरा खानेपानीमा `चरा´ को कब्जा
सिमरा: सिमरा खानेपानीको नयाँ नेतृत्व चयनका लागि भएको निर्वाचनमा युवराज न्यौपाने नेतृत्वको प्यानल बिजयी भएको छ । अन्तिम मतरिणाम अनुसार चरा चुनाव चिन्हका सबै उम्मेदवार फराकिलो मतान्तरसहित निर्वाचित भएका हुन् ।
अध्यक्ष पदमा न्यौपानेले दुई सय ९ मतको अग्रतासहित जित हात पारे । उनले एक हजार एक सय १६ मत प्राप्त गर्दा गुलाबको फुल चुनाव चिन्हका प्रकाश खुलालले नौ सय सात मत पाए ।
यसैगरी चश्मा चुनाव चिन्हका पूर्णचन्द्र तिमिल्सिनाले पाँच सय ९१, घर चुनाव चिन्हका शशी गौतमले दुई सय ३३ र खुल्ला किताब चुनाव चिन्हका राजकुमार भट्टराईले दुई सय १५ मत पाए ।
उपाध्यक्ष पदमा चराका हरिप्रसाद सिंखडा सर्वाधिक एक हजार एक सय ८७ मत प्राप्त गर्दै बिजयी भए । उनका निकटतम प्रतिद्वन्दी गुलाबको फुलकी मिठुमाया थिङ्ले सात सय ८४ मत पाइन् । चश्मा चुनाव चिन्हका झंकनाथ लामिछानेले पाँच सय ९५ मत पाए । घर चुनाव चिन्हकी निर्मला केसीले दुई सय ८९ मत पाइन् ।
सचिव पदमा चराका अमृत बस्याल एक हजार एक सय ७८ मतसहित बिजयी भए । उनको प्रतिद्वन्दी गुलाबको फुलकी सरस्वती अधिकारीले सात सय ५४, चश्माका लोकराज पौडेलले पाँच सय २५, खुल्ला किताबका राजेन्द्रकुमार सुवेदीले दुई सय ६१ र घरका मुस्तफा अंसारीले दुई सय २५ मत पाए ।
सहसचिव पदमा चराका कृष्णकुमार रिमाल एक हजार एक सय ७८ मत प्राप्त गर्दै बिजयी भए । उनका निकटतम प्रतिद्वन्दी गुलाबको फुलका कर्णबहादुर खड्काले सात सय ५७, चश्माका होमप्रसाद रकालले पाँच सय ७७ र घरका मुमनाथ शर्माले दुई सय ६७ मत पाएका छन् ।
कोषाध्यक्ष पदमा रामकुमार अर्याल एक हजार एक सय ३५ मतसहित निर्वाचित भए । उनका निकटतम प्रतिद्वन्दी सुशीला कार्कीले सात सय २२, राजुप्रसाद उपाध्यायले पाँच सय ६८, खुल्ला किताबका राजकुमार भट्टराईले दुई सय ५९ र घरकी चम्पा पाख्रीनले दुई सय ५१ मत ल्याए ।
सदस्य पदमा चरा चुनाव चिन्हकै उम्मेदवार दिलुमाया तामाङ्नी (११४३), सुष्मा पण्डित (११३७), कल्पनाकुमारी क्षेत्री (११५५), कृष्णकुमारी श्रेष्ठ (११६३), जागेश्वर पौडेल (११२५) र सूर्यसिंह क्षेत्री (१०८३) निर्वाचित भएको प्रमुख निर्वाचन अधिकृत शालिकराम अधिकारीले जानकारी दिए ।
नयाँ नेतृत्व चयनका लागि मङ्सिर ६ गते निर्वाचन भएको थियो । निर्वाचनमा तीन हजार तीन सय २० मत खसेको थियो ।
