व्यवहारिक शिक्षाः विद्यार्थीलाई टपरी गाँस्न सिकाउदै विद्यालय
![](https://i0.wp.com/www.eshilalekh.com/wp-content/uploads/2023/08/New-ekata-school-simara-scaled.jpg?fit=2560%2C1374&quality=95&strip=all&ssl=1)
सिमराः न्यु एकता पब्लिक इङ्लिस स्कुलले किताबी ज्ञानसंगै विद्यार्थीलाई व्यवहारिक शिक्षामा सहभगागिता गराउदै आएको छ । जीतपुरसिमरा उपमहानगरपालिका १ मा रहेको विद्यालयले व्यवहारिक शिक्षालाई पनि पाठ्यक्रमसंगै अघि बढाउदै आएको हो ।
व्यवहारिक शिक्षा दिने क्रममा विद्यालयले शुक्रवार कक्षा दुई देखि माध्यमिक तहसम्मका विद्यार्थीलाई बत्ती काट्ने, टपरी गाँस्ने, पुरी तरकारी बनाउने कार्यमा सहभागी गराएको छ । कक्षा दुई देखि चारसम्मका विद्यार्थीलाई बत्ती काट्ने, पाँच देखि आठ सम्मका विद्यार्थीलाई टपरी गाँस्ने र माध्यमिक तहका विद्यार्थीलाई पुरी र तरकारी बनाउन सिकाएको हो ।
विद्यालयमा आयोजना गरिएको कार्यक्रममा विद्यार्थीहरु उत्साहित हुँदै सहभागी भएका थिए । विद्यालयका शिक्षक दिवस न्यौपानेले व्यवहारिक शिक्षामा विद्यार्थी निकै उत्सुक देखिएको बताए ।
शिक्षक न्यौपाले पाठ्यक्रमसंगै घरभित्र दिनानुदिन हुने कामका विषयमा विद्यार्थीलाई जानकारी गराउने र त्यसमा अभ्यस्त बनाउन जरुरी रहेको बताएका छन् । यस्ता गतिविधिले घरपरिवारको दायित्व वहन गर्न, पारिवारिक सम्बन्ध सुमधुर बनाउन सहयोग पुग्ने शिक्षक न्यौपानेले बताए ।
![](https://i0.wp.com/www.eshilalekh.com/wp-content/uploads/2023/08/New-ekata-768x576.jpg?resize=335%2C251&quality=95&strip=all&ssl=1)
![](https://i0.wp.com/www.eshilalekh.com/wp-content/uploads/2023/08/New-ekata-4.jpg?resize=720%2C540&quality=95&strip=all&ssl=1)
![](https://i0.wp.com/www.eshilalekh.com/wp-content/uploads/2023/08/New-ekata-1.jpg?resize=349%2C262&quality=95&strip=all&ssl=1)
![](https://i0.wp.com/www.eshilalekh.com/wp-content/uploads/2023/08/New-ekata-3.jpg?resize=352%2C264&quality=95&strip=all&ssl=1)
![](https://i0.wp.com/www.eshilalekh.com/wp-content/uploads/2023/08/New-ekata-6.jpg?resize=720%2C540&quality=95&strip=all&ssl=1)
![](https://i0.wp.com/www.eshilalekh.com/wp-content/uploads/2023/08/New-ekata-2.jpg?resize=354%2C266&quality=95&strip=all&ssl=1)