नागरिकता (दोस्रो संशोधन) विधेयक २०८१ सर्वसम्मतले पारित
सिमराः राष्ट्रिय सभाले शुक्रबार नेपाल नागरिकता (दोस्रो संशोधन) विधेयक २०८१ सर्वसम्मत रुपमा पारित गरेको छ ।
प्रतिनिधि सभाबाट पारित भई राष्ट्रिय सभामा पुगेको विधेयक सर्वसम्मतिले पारित भएको हो ।
गृहमन्त्री रमेश लेखकले विधायन व्यवस्थापन समितिको प्रतिवेदनसहित प्रतिनिधि सभाबाट प्राप्त विधेयक पारित गर्न प्रस्ताव पेस गरेका थिए ।
राष्ट्रिय सभा अध्यक्ष नारायणप्रसाद दाहालले उक्त विधेयक सर्वसम्मतिले पारित भएको घोषणा गरेका छन् ।
राष्ट्रिय सभाबाट पारित विधेयक सन्देशसहित प्रतिनिधिसभामा पठाइनेछ ।
त्यसपछि सभामुख देवराज घिमिरेले प्रमाणित गरेर प्रमाणीकरणका लागि राष्ट्रपति कार्यालय पठाउनेछन् ।
