बाराको चार निर्वाचन क्षेत्रमा निर्वाचन अधिृकत नियुक्त
सिमराः प्रतिनिधिसभा निर्वाचनका लागि निर्वाचन आयोगले बाराको चार वटै निर्वाचन क्षेत्रमा निर्वाचन अधिकृत नियुक्त गरेको छ । आयोगले बारा जिल्ला अदालतका न्यायाधीश प्रकाशकुमार अधिकारीलाई मुख्य निर्वाचन अधिकृत तोक्दै चार क्षेत्रमा निर्वाचन अधिकृत नियुक्त गरेको हो ।
आयोगले बारा क्षेत्र नं. १ का लागि जिल्ला सरकारी वकिल कार्यालयका जिल्ला न्यायाधिकवक्ता शम्भुकुमार बस्नेतलाई निर्वाचन अधिकृत तोकेको छ । यसैगरी क्षेत्र नं. २ मा सर्वोच्च अदालतका उपरजिष्ट्रार किरणकुमार सिंह निर्वाचन अधिकृत भएका छन् ।
बारा क्षेत्र नं. ३ मा जिल्ला अदालतका न्यायाधीश प्रकाशकुमार अधिकारी अधिकृत नियुक्त भएका छन् । अधिकारीलाई चार वटै क्षेत्रको मुख्य निर्वाचन अधिकृतको जिम्मेवारी समेत दिइएको छ । क्षेत्र नं. ४ मा सर्वोच्च अदालतका इजलास अधिकृत गम्भीर घिमिरे नियुक्त भएका छन् ।
