परवानीपुरमा धारिलो हतियार प्रहार गरि आमाछोराको हत्या
सिमरा: बाराको परवानीपुरमा मंगलबार राती धारिलो हतियार प्रहार गरि आमाछोराको हत्या भएको छ । परवानीपुर गाउँपालिका १ रहरियाडीमा करिब ४५ वर्षीय सुमित्रा देवी र २८ वर्षीय रामेश्वर मण्डलको हत्या भएको हो ।
घटनामा सुमित्रा देवीका श्रीमान् जगरुप महतो र छोरी किरण कुमारी घाइते भएका छन् । उनिहरुको एलएस न्यूरो अस्पतालमा उपचार भइरहेको छ ।
प्रहरीका अनुसार राती करिब १२ बजेको समयमा घटना भएको हो । हतियार कसले प्रहार गर्यो भन्ने खुल्न सकेको छैन ।
आमा र छोराको शव घरभित्रै रहेको र तालिमप्राप्त कुकुर ल्याएर अनुसन्धान सुरु गरिएको बाराका प्रहरी प्रवक्ता बिजयराज पण्डितले जानकारी दिएका छन् ।
