भलुहीमा प्रहरी र डाँका समुहबीच झडप: एक प्रहरीसहित तीन घाइते
सिमरा: जीतपुरसिमरा उपमहानगरपालिका २३ भलुहीमा डाँकाको समूह र प्रहरीबीच झडप भएको छ । भलुहीस्थित एरोटेक प्रालिमा डकैती गर्न आएको समूह र प्रहरीबीच झडप भएको हो ।
झडप एक प्रहरीले अधिकृत र दुई जना डाँका घाइते भएका छन् । घाइते हुनेमा इलाका प्रहरी कार्यालय जीतपुरका प्रहरी बरिस्ठ नायव निरीक्षक कलमबहादुर शाही रहेका छन् ।
टाउकोमा चोट लागेका घाइते शाहीको वीरगन्ज हेल्थ केयरमा उपचार भइरहेको छ । घाइते डाँकाको भने प्रहरी निगरानीमा सिमरास्थित अल्पाइन अस्पतालमा उपचार भइरहेको छ । झडपकै क्रममा घाइते भएका डाँकालाई नियन्त्रणमा लिन सफल प्रहरीले आफ्नो निगरानीमा उपचार गराइरहेको हो ।
एरोटेक प्रालिमा राती १२:३० बजे १०-१२ जना समुहमा रहेका डाँका हतियारसहित उधोग भित्र पसेको सूचना पाएपछी जीतपुरबाट शाहीको नेतृत्वमा ६ जना प्रहरी घटनास्थल पुगेको थियो । प्रहरी पुगेलगत्तै दोहोरो झडप सुरु भएको थियो ।
झडपका क्रममा डाँकाको समुहले एक राउन्ड र प्रहरीले तीन राउन्ड हवाइ फायर समेत गरेको थियो । सोही क्रममा प्रहरी बरिस्ठ नायब निरीक्षक शाहीलाई डाँकाले हतियारको बिडले टाउकोमा प्रहार गरेका थिए ।
प्रहरीले डकैती गर्न आएकामध्ये दुई जनलाई हतियारसहित नियन्त्रणमा लिन सफल भएको हो । प्रहरीले दुई थान बन्दुक र त्यसमा लाग्ने तीन थान गोलिसहित नियन्त्रणमा लिन सफल भएको हो ।
पक्राउ पर्नेमा जीतपुरसिमरा ९ का जयराम पासवान र जीतपुरसिमरा १० का जवाहिर महतो रहेका छ्न । प्रक्राउ परेकामध्ये महतोको अल्पाइन अस्पतालमा उपचार भइरहेको छ ।
