सांसदले गरे कलैया अस्पतालको अनुगमन, सेवामा सुधार ल्याउन निर्देशन
![](https://i0.wp.com/www.eshilalekh.com/wp-content/uploads/2022/12/anugamn-scaled.jpg?fit=2560%2C1374&quality=95&strip=all&ssl=1)
कलैयाः बारा क्षेत्र नं. ३ बाट प्रतिनिधिसभा र प्रदेशसभा सदस्यमा निर्वाचित सांसदले कलैया अस्पतालको अनुगमन गरेका छन् । अस्पतालको सेवा प्रभावकारी नभएको भन्दै गुनासो बढेपछि प्रतिनिधिसभा सदस्य ज्वालाकुमारी साहको नेतृत्वमा सांसदको टोलीले अनुगमन गरेको हो ।
अनुगमन गर्न प्रतिनिधिसभा सदस्यमा निर्वाचित साहसहित ३(१) का प्रदेशसभा सदस्य रविन्द्रदास श्रेष्ठ र ३(२) का प्रदेशसभा सदस्य महम्मद समिरको टोली अस्पताल पुगेका थिए । टोलीले अस्पतालको आकस्मिक, ओपिडी, प्रसुती, एक्सरे र ल्याब कक्षको अनुगमन गर्दै बिरामी र उनका आफन्तसंग अस्पतालको सेवाको विषयमा जानकारी लिएका थिए ।
![](https://i0.wp.com/s3.eshilalekh.com/2022/12/Jwalakumari-sah.jpg?resize=720%2C462&quality=95&strip=all&ssl=1)
अनुगमनको क्रममा अस्पतालको सेवा प्रभावकारी नदेखएिकाले सुधार गर्न निर्देशन दिएको प्रतिनिधिसभा सदस्य साहले बताईन् । नेकपा एमालेको पोलिटव्युरो सदस्य एवम् पूर्वमन्त्री समेत रहेकी साहले स्वास्थ्यजस्तो संवेदनशिल विषयमा लापरवाही गर्ने छुट कसैलाई पनि नभएको बताईन् ।
अस्पतालका मेडिकल सुपरीटेण्डेन्ट सुनिल जैसवाललाई अस्पतालको सेवा प्रभावकारी र व्यवस्थित बनाउन साहले निर्देशन दिएकी थिईन् । गैरजिम्मेवारी र लापरवाहीका कारण सरकारी अस्पतालले प्रदान गर्ने स्वास्थ्य सेवाप्रति आमनागरिकको विश्वास गुम्दै गएको भन्दै साहले संवेदनशिल विषयमा गम्भिर र जवाफदेही भएर काम गर्न आग्रह गरेकी छिन् ।
![](https://i0.wp.com/s3.eshilalekh.com/2022/12/md-samir.jpg?resize=720%2C426&quality=95&strip=all&ssl=1)
प्रदेशसभा सदस्य समिरले अनुगमनका क्रममा देखिएका कमि कमजोरी सच्याउन मेडिकल सुपरीटेण्डेन्ट जैसवाललाई आग्रह गर्दै अस्पतालको सेवा व्यवस्थित बनाउनका लागि आफूहरुको सहयोग रहने बताए ।
![](https://i0.wp.com/s3.eshilalekh.com/2022/12/anugaman.jpg?resize=720%2C431&quality=95&strip=all&ssl=1)
![](https://i0.wp.com/s3.eshilalekh.com/2022/12/Jeetpursimara-Notice.gif?resize=440%2C156&quality=95&strip=all&ssl=1)
![](https://i0.wp.com/s3.eshilalekh.com/2022/11/Gaurav-Sunchadi_add-scaled-2.webp?resize=720%2C108&quality=95&strip=all&ssl=1)