बारा र पर्साका हावाहुरी पीडितलाई राहत दिन माग
![](https://i0.wp.com/www.eshilalekh.com/wp-content/uploads/2024/06/Prabhu-Shah.jpg?fit=890%2C461&quality=95&strip=all&ssl=1)
सिमरा: आम जनता पार्टी (आजपा) का अध्यक्ष प्रभु साहले बारा र पर्साका हावाहुरी पीडितलाई राहत दिन सरकारसँग माग गरेका छन् ।
प्रतिनिधि सभामा बोल्दै उनले जेठ २५ गते बारा, पर्सामा गएको भीषण हावाहुरीले कैयौं घर उडाएको र दर्जनौं घाइते भएको बताए । आँप र लिचीका रुख ढल्दा किसान मर्कामा पर्दा समेत राहतको कुनै चाँजोपाँजो नसुनेको उनले भने ।
पीडितहरूकालागी राहत माग गर्दै भत्केका घर पुनर्निर्माण गर्न, फलफूल र खाद्यान्न नष्टको क्षतिपूर्तिको व्यवस्थाका लागी समेत उनले सरकारको ध्यानाकर्षण गराएका छन् ।