डुमरवाना साइकल क्लबको शुभकामना आदानप्रदान कार्यक्रम सम्पन्न, अध्यक्षमा अर्याल चयन
सिमराः डुमरवाना साइकल क्लबले दीपावली, छठ पर्व तथा नेपाल संवत् पर्वको अवसरमा शनिबार शुभकामना आदानप्रदान तथा भेलाको आयोजना गरेको छ। जीतपुरसिमरा उपमहानगरपालिका-४ औराहास्थित देवाश्रममा आयोजित भेलाले राजकुमार अर्यालको अध्यक्षतामा सात सदस्यीय तदर्थ समिति समेत चयन गरेको छ।
समितिको उपाध्यक्षमा मनोजकुमार चौधरी, सचिवमा सुवास श्रेष्ठ, सहसचिवमा प्रमोदप्रसाद चौधरी र कोषाध्यक्षमा सीमा ठकुरी चयन भएका छन् । यसैगरी सदस्यमा सरिता चौधरी र महेश खरेललाई चयन गरिएको छ ।
यसैगरी भेलाले आनन्दीप्रसाद चौधरीको संयोजकत्वमा पाँच सदस्यीय सल्लाहकार समिति समेत गठन गरेको छ । सल्लाहकार समितिको सदस्यमा विजय जोशी, रामप्रसाद अधिकारी, रमेशचन्द्र घिमिरे र दुर्गाराज खतिवडा चयन भएका छन् ।
कार्यक्रममा सहभागीले शुभकामना आदानप्रदान गर्दै एकजुट भएर क्लबलाई देशकै उत्कृष्ट साइकल क्लबको रूपमा विकास गर्ने सामूहिक प्रतिबद्धता व्यक्त गरेका छन् । क्लबले देशका विभिन्न जिल्लाहरूमा हुने साइकिलिङ कार्यक्रमहरूमा सक्रिय सहभागिता जनाउँदै छ ।
